"Манчестер Юнайтед" Леверкузеннинг "Байер" клуби ўнг қанот ҳимоячиси Жереми Фримпонг трансферидан умид қилмоқда.
Нидерландиялик футболчи "Реал"га кетаётган Трент Александр-Арнольдга ўринбосар излаётган "Ливерпуль"нинг трансфер мақсадларидан бири ҳисобланади. Мерсисайдликларнинг қизиқиши билан иш битмайди: журналист Грэм Бейлининг маълум қилишича, сўнгги ҳафталарда "Манчестер Юнайтед" 24 ёшли футболчининг атрофидагилар билан музокаралар олиб бормоқда. Потенциал битим қиймати тахминан 40 миллион еврони ташкил этади.
Жереми Фримпонг жорий мавсумда Хаби Алонсо жамоаси сафида 40 та ўйинда майдонга тушиб, 4 та гол ва 11 та голли узатмани ўз ҳисобига ёздириб қўйди.
