"Бавария" дарвозабони Мануэль Нойер жароҳатидан тикланишда давом этмоқда. Мюнхенликлар сардори ой бошида бўлиб ўтган Чемпионлар лигаси доирасидаги "Байер"га қарши уй учрашувида болдир мушагини шикастлаб олди ва яқинда машғулотлардаги муаммони янада кучайтирди. Bayern & Germany нашри тарқатган хабарга кўра "Бавария" Европанинг энг нуфузли мусобақаси чорак финал дастлабки ўйинида Миланнинг "Интер" клубига қарши тажрибали футболчисиз ўйнашига тўғри келади. Бундан ташқари, янгиланган маълумотларга кўра, дарвозабон жавоб ўйинига ҳам қайтишга улгурмаслиги мумкин. Тиббиёт ходимлари аниқ прогнозлар беришдан бош тортмоқда.

"Бавария" ва "Интер" ўртасидаги учрашувлар 8 ва 16 апрель кунлари бўлиб ўтади. 27 март куни Мануэль Нойер 39 ёшга тўлди.