"Манчестер Сити"нинг бельгиялик ярим ҳимоячиси Кевин де Брюйне клуб билан меҳнат шартномасини узайтиришга тайёр. Бу ҳақда журналист Райан Тейлор маълум қилди.
Шу билан бирга, аввалроқ "шаҳарликлар" ёши катта футболчига умид қилмаётгани ва "ўнлик" позициясида янги ўйинчига жиддий сармоя киритишга тайёрлиги айтилган эди.
Де Брюйне 2015 йилдан буён "Манчестер Сити" шарафини ҳимоя қилиб келмоқда. У жорий мавсум барча мусобақаларда 30 та учрашувда майдонга тушиб, 4 та гол урди ва 7 та голли узатмага муаллифлик қилди. 33 ёшли хавбекнинг инглиз гранди билан амалдаги шартномаси келаси ёзда ўз ниҳоясига етади.
