Зўравонликка қарши кураш комиссияси "Осасуна"нинг "Реал"га қарши ўйинида (1:1) Винисиусга нисбатан ҳақоратли сўзлар ёзилган баннерни осиб қўйган ва стадионда гиёҳванд моддалар истеъмол қилган шахсга 2 минг евро жарима солиш ва тўрт ойга ўйинларга боришни тақиқлашни таклиф қилди. Бу ҳақда AS хабар берди.
Худди шундай, зўравонликка қарши кураш комиссияси "Реал Сосьедад" ва "Реал Мадрид" (0:1) ўртасидаги учрашувда Винисиусга нисбатан ксенофобик ва ирқчилик хатти-ҳаракатларини кўрсатган икки кишини 4 минг евро миқдорида жаримага тортишни ва 12 ой муддатга спорт объектларига киришни тақиқлашни таклиф қилди.
