Туриннинг “Ювентус” клуби спорт директори Криштиану Жиунтоли Тиаго Моттанинг жамоа бош мураббийлигидан четлатилишига изоҳ берди.
"Мен Тиаго Мотта ва унинг ходимларига ушбу тўққиз ой давомида фидойиликлари учун миннатдорчилик билдирмоқчиман. Биз бир-биримизни ҳурмат қиламиз ва муносабатларимиз катта ҳурмат бўлиб қолади.
Терма жамоалар ўйинлари учун танаффус вақтида жамоа натижаларини таҳлил қилиб, клуб манфаати учун кескин ўзгаришлар қилишга қарор қилдик. Биз Игор Тудорни нафақат клубга алоқадорлиги, балки профессионал фазилатлари учун ҳам танладик. У мавсум охиригача, жумладан клублар ўртасидаги жаҳон чемпионатида ҳам биз билан қолади", деди директор.
Тиаго Мотта бошчилигида "Ювентус" 18 марта ғалаба қозонган, 16 марта дуранг ўйнаган ва 8 марта мағлубият аламини тотиб кўрган.
“Кекса синьора” 29 турдан кейин 52 очко билан А Серия турнир жадвалида 5-ўринда бормоқда.
