Turinning “Yuventus” klubi sport direktori Krishtianu Jiuntoli Tiago Mottaning jamoa bosh murabbiyligidan chetlatilishiga izoh berdi.
"Men Tiago Motta va uning xodimlariga ushbu to‘qqiz oy davomida fidoyiliklari uchun minnatdorchilik bildirmoqchiman. Biz bir-birimizni hurmat qilamiz va munosabatlarimiz katta hurmat bo‘lib qoladi.
Terma jamoalar o‘yinlari uchun tanaffus vaqtida jamoa natijalarini tahlil qilib, klub manfaati uchun keskin o‘zgarishlar qilishga qaror qildik. Biz Igor Tudorni nafaqat klubga aloqadorligi, balki professional fazilatlari uchun ham tanladik. U mavsum oxirigacha, jumladan klublar o‘rtasidagi jahon chempionatida ham biz bilan qoladi", dedi direktor.
Tiago Motta boshchiligida "Yuventus" 18 marta g‘alaba qozongan, 16 marta durang o‘ynagan va 8 marta mag‘lubiyat alamini totib ko‘rgan.
“Keksa sinyora” 29 turdan keyin 52 ochko bilan A Seriya turnir jadvalida 5-o‘rinda bormoqda.
