Мадриднинг «Реал» клуби «Челси»нинг янги бош мураббийи Жозе Моуриньо таркибда кўришни истамаётган Хуан Матага қизиқиш билдирмоқда. Бу ҳақда «Sport.es» нашри хабар тарқатди.
Мадридликлар 25 ёшли футболчини агарда Гарет Бэйлни сотиб олишнинг иложи топилмаган ҳолатда сотиб олиш ниятида.
Манбанинг ёзишича, «Реал» Мата учун 25 миллион евро беришга тайёр. «Челси» эса уни 35 миллион еврога сотишни режалаштирмоқда. Олдинроқ, «Реал» «Тоттенҳэм» яримҳимоячиси Гарет Бэйлни 90 миллион евро эвазига сотиб олгани борасида хабарлар тарқалганди.