Антонио Конте келаси ёзда клубини ўзгартириши мумкин. Goal порталининг Tuttosport нашрига таяниб хабар беришича, Конте "россонерилар" спорт директори лавозимига Фабио Паратичи келиши шарти билан "Милан"ни бошқариши мумкин.
Шу ҳафта бошида "Милан" бош директори Жоржио Фурлани Паратичи билан спорт директори лавозимига ўтиш бўйича музокаралар олиб бораётгани ҳақида хабарлар тарқалган эди.
Антонио Конте ҳозирда "Наполи"га устозлик қилмоқда. Жамоа Италия чемпионати турнир жадвалида иккинчи ўринда бормоқда ва пешқадам "Интер"дан уч очко ортда қолмоқда. Олдинда тўққиз тур бор.
