Пайшанба куни УEФА "Реал"нинг тўрт нафар футболчисига қарши иш очганини эълон қилди. Килиан Мбаппе, Винисиус Жуниор, Дани Себальос ва Антонио Рюдигер ахлоқсизликда айбланмоқда. Улар "Атлетико" мухлисларига турли имо-ишоралар кўрсатишди.
GOAL портали Мбаппенинг аҳлоқсиз (жинсий аъзосини ушлаган ҳолда) ҳаракатларига алоҳида эътибор қаратмоқда. Шундай ҳаракат учун Жуд Беллингем ўтган ёзда Евро-2024 вақтида бир ўйинга дисквалификация қилинганди. Яъни Мбаппе ҳам шундай жазога тортилиши мумкин.
8 апрель, сешанба куни "Реал" Чемпионлар Лигаси 1/4 финал дастлабки ўйинида "Арсенал" меҳмони бўлади.
