Мадриднинг «Реал» клуби президенти Флорентино Перес яқин орада жамоани бошқариши кутилаётган «ПСЖ» устози Карло Анчелотти ҳақида фикр билдирди.
«Анчелотти «Реал»нинг барча талабларига жавоб беради. Биз уни аввал ҳам жамоага олиб келишга ҳаракат қилганмиз. Карло буюк мураббий.
У ҳозирда биз билан жуда яхши муносабатда бўлган клубни бошқариб келмоқда. У шартнома бўйича яна бир йил Парижда қолади. Вазият қандай тус олишини кутамиз.
Мен парижликларнинг Анчелоттини 4 миллион евро эвазига қўйиб юборишга тайёр эканини эшитдим. Лекин ким бунга ишонади? Улар шунча пулга мухтож эканига ишониб бўлмайди. Гап 40 ёки 60 миллион евро ҳақида бўлса бошқа гап эди»,- дейди Перес.













