"Рома" ҳужумчи Пауло Дибалага ўринбосар билан шартнома имзолаш ҳақида ўйламоқда. Аргентиналик футболчи жароҳат туфайли узоқ муддатга сафдан чиқди. Бундан ташқари, унинг келаси ёзда клубни тарк этиши ҳам истисно қилинмаяпти. La Gazzetta dello Sport нашри тарқатган хабарга кўра римликлар 31 ёшли форварднинг ўринбосари сифатида "Фейеноорд"дан Игор Пайшао ва "Комо"дан Николас Пасни кўришмоқда.
24 ёшли бразилиялик футболчига "Наполи" ҳам қизиқиш билдирмоқда. Унинг Transfermarkt порталидаги нархи - 25 млн евро.
20 ёшли Пасга "Интер" даъвогарлик қилмоқда, аргентиналик футболчининг Мадриднинг "Реал" клубига қайтиши ҳам эҳтимолдан холи эмас - "қаймоқранглилар" ўз тарбияланувчисини сотиб олишда устувор ҳуқуққа эга. "Комо" юлдузининг Transfermarkt бўйича нархи 35 млн еврони ташкил этади.
