"Бетис" ҳужумкор ярим ҳимоячиси Иско Аларкон март ойида Испания чемпионатининг энг яхши футболчиси деб топилди. Бу ҳақда мусобақа расмий сайти хабар бермоқда.

32 ёшли Иско Мануэль Пеллегрини жамоасининг Мадриднинг "Реал" (2:1), "Лас-Пальмас" (1:0) ва "Леганес" (3:2) жамоаларини мағлуб этишида муҳим роль ўйнади. Биринчи ўйинда у пенальти ва голли узатмани аниқ амалга оширди. "Леганес" билан ўйинда ҳам у шу ишни такрорлади.

Мукофот учун овоз беришда Иско Килиан Мбаппе ("Реал"), Педро Диас ("Райо Вальекано"), Умар Содиқ ("Валенсия") ва Маркос Алонсони ("Сельта") ортда қолдирди.