"Бетис" спорт директори Антонининг "МЮ"дан тўлақонли сотиб олиниши испан клубининг Чемпионлар лигасига йўл олишига боғлиқлигини айтди.
Антони жорий мавсумнинг иккинчи ярмини "Бетис"да ижара асосида ўтказмоқда ва ўзининг энг яхши томонларини кўрсатмоқда.
"Бетис" аллақачон Ла Лига жадвалида олтинчи ўринга кўтарилиб олди ва Чемпионлар Лигасидан тушган маблағ Севилья клубига 25 ёшли бразилияликнинг доимий трансферини кўриб чиқиш имконини беради.
"Бизнинг спорт департаментимиз жуда юқори лаҳзалар ва чўққиларни забт этган, аммо турли сабабларга кўра ўйинлари сезиларли даражада ёмонлашган футболчилар ҳақидаги маълумотларни таҳлил қилиб, баҳоси паст ўйинчилар устида ишлайди.
Биз уларнинг ҳолатини ўрганяпмиз ва клублари билан гаплашмоқдамиз. Антони масаласида эса футболчи ва унинг атрофидагиларни ишонтира олдик. Антони биринчи дақиқаларданоқ ўзининг қадрини кўрсата бошлади.
Биз иштиёқимизни йўқотмадик ва футболда ҳеч нарсани инкор этиб бўлмайди. Умид қиламанки, "Бетис" еврокубоклар зонасининг юқори ярмида қолади, бу бизга барқарорлик ва янги ажойиб ўйинчиларнинг келишига ёрдам беради", - деди Фахардо Evening Standard билан суҳбатда.
