"Челси"нинг юлдуз ярим ҳимоячисининг АПЛнинг навбатдаги ўйинидаги иштироки сўроқ остида.
Коул Палмер АПЛ доирасидаги "Тоттенхэм"га қарши ўйинни ўтказиб юбориши мумкин. Ярим ҳимоячи ҳали асосий жамоа билан машғулотларга қайтгани йўқ.
Футболчи халқаро танаффус олдидан "Лестер"га қарши ўйинда тизза ости пайидан жароҳат олди. Шу сабабли ярим ҳимоячи "Арсенал"га қарши ўйинни ўтказиб юборди ва Англия терма жамоаси ўйинларига бормади.
Жорий мавсумда Коул Палмер Премьер-лигада 28 та ўйинда майдонга тушиб, 14 та гол урди ва 7 та голли узатмани амалга оширди.
"Челси" 3 апрель куни "Тоттенхэм"га қарши баҳс олиб боради.
