"Chelsi"ning yulduz yarim himoyachisining APLning navbatdagi o‘yinidagi ishtiroki so‘roq ostida.
Koul Palmer APL doirasidagi "Tottenxem"ga qarshi o‘yinni o‘tkazib yuborishi mumkin. Yarim himoyachi hali asosiy jamoa bilan mashg‘ulotlarga qaytgani yo‘q.
Futbolchi xalqaro tanaffus oldidan "Lester"ga qarshi o‘yinda tizza osti payidan jarohat oldi. Shu sababli yarim himoyachi "Arsenal"ga qarshi o‘yinni o‘tkazib yubordi va Angliya terma jamoasi o‘yinlariga bormadi.
Joriy mavsumda Koul Palmer Premyer-ligada 28 ta o‘yinda maydonga tushib, 14 ta gol urdi va 7 ta golli uzatmani amalga oshirdi.
"Chelsi" 3 aprel kuni "Tottenxem"ga qarshi bahs olib boradi.
