"Манчестер Сити" "Айнтрахт" марказий ярим ҳимоячиси Хуго Ларссон учун курашга қўшилди, деб хабар берди журналист Флориан Плеттенберг.
20 ёшли швециялик ҳам АПЛ клубига ўтиш истагида.
Томонлар ўртасида дастлабки музокаралар бўлиб ўтди.
Немис клуби хавбек учун камида 60 миллион евро талаб қилмоқда.
Футболчини "Арсенал", "Ливерпуль", "Тоттенхэм" ва бошқа бир қатор жамоалар, жумладан, Бундеслиганинг топ-клублари ҳам кузатиб бормоқда.
Бу мавсумда футболчи Германия жамоаси сафида 37 та ўйинда 6 та гол урди ва 1 та голли узатмани амалга оширди.
