“Рома” сафарда “Лечче”ни мағлуб этиб, (1:0) А Сериядаги ғалабали сериясини узайтирди.

Римликлар ўйиннинг 80-дақиқасида Артём Довбикнинг голи эвазига минимал ғалабани қўлга киритишди. 

Opta хабарига кўра, "Рома" Италия чемпионатида 2016 йил бошидан бери биринчи марта кетма-кет етти учрашувда ғалаба қозонган.

Тўққиз йил аввал жамоа Лучано Спалетти бошчилигида қаторасига саккизта учрашувда муваффақият қозонганди.

Клаудио Раньери шогирдлари 30 турдан кейин 52 очко билан турнир жадвалида олтинчи ўринда бормоқда.

Келаси якшанба, 6 апрель куни “бўрилар” ўз майдонида ҳозирда бешинчи ўринда бораётган “Ювентус”ни қабул қилади.