“Roma” safarda “Lechche”ni mag‘lub etib, (1:0) A Seriyadagi g‘alabali seriyasini uzaytirdi.
Rimliklar o‘yinning 80-daqiqasida Artyom Dovbikning goli evaziga minimal g‘alabani qo‘lga kiritishdi.
Opta xabariga ko‘ra, "Roma" Italiya chempionatida 2016 yil boshidan beri birinchi marta ketma-ket yetti uchrashuvda g‘alaba qozongan.
To‘qqiz yil avval jamoa Luchano Spaletti boshchiligida qatorasiga sakkizta uchrashuvda muvaffaqiyat qozongandi.
Klaudio Ranyeri shogirdlari 30 turdan keyin 52 ochko bilan turnir jadvalida oltinchi o‘rinda bormoqda.
Kelasi yakshanba, 6 aprel kuni “bo‘rilar” o‘z maydonida hozirda beshinchi o‘rinda borayotgan “Yuventus”ni qabul qiladi.
