"Интер Майами" бош мураббийи Хавьер Маскерано МЛС доирасидаги "Филадельфия Юнион"га (2:1) қарши ўйиндан кейин Лионель Месси ҳақидаги саволга жавоб қайтарди.
Жароҳат туфайли 37 ёшли форвард 55-дақиқада майдонга тушди. Бу унинг ғалаба тўпи муаллифи бўлишига тўсқинлик қилмади - у захирадан майдонга тушганидан икки дақиқа ўтиб гол урди.
"Ҳа, биз Мессининг 30-35 дақиқа ўйнашини хоҳлагандик. У ўзини жуда яхши ҳис қиларди, лекин биз уни асосий таркибга киритиб, таваккал қилмоқчи эмасдик. Ҳаммаси ажойиб якунланди, биз жуда хурсандмиз," - деди Маскерано матбуот анжуманида.
