"Арсенал" Испаниянинг "Реал Сосьедад" клуби ярим ҳимоячиси Мартин Субименди учун курашда ғалаба қозонмоқда.
"Арсенал" Субимендини сотиб олишга яқинлиги ҳақидаги миш-мишлар шу йил бошида пайдо бўлганди, аммо ҳеч қандай тасдиқ топилмади.
Яқинда испан матбуоти "Реал" Субимендини қўлга олишга уринаётгани ҳақида хабар тарқатди, аммо ҳозир Marca радиостанцияси бундан ҳеч нарса чиқмаганини ва Мартин "Арсенал"га йўл олаётганини таъкидламоқда.
"Реал Сосьедад" Субимендининг кетишига тўсқинлик қилишга ожиз, чунки "Арсенал" 26 ёшли испанияликнинг шартномаси бўйича 60 миллион евро (50 млн. фунт) товон пули тўламоқчи.
"Арсенал"да Субименди мавсум охирида шартномаси тугайдиган Томас Парти ва Жоржиньонинг ўрнини эгаллаши керак бўлади.
