Италия чемпионатининг 30-турида "Фиорентина" ўз майдонида "Аталанта" устидан ғалаба қозонди - 1:0.
Ўйиндаги ягона гол 45-дақиқада форвард Мойзе Кин томонидан киритилди.
"Фиорентина" очколарини 51 тага етказиб, А Серия турнир жадвалида 7-ўринга кўтарилиб олди. "Аталанта" 58 очко билан 3-поғонани сақлаб турибди.
5 апрель куни "бинафшаранглилар" сафарда "Милан"га қарши баҳс олиб боради. Бергамо клуби 6 апрель куни ўз майдонида "Лацио"ни қабул қилади.