"Манчестер Сити" бош мураббийи Хосеп Гвардиола Англия кубоги чорак финалида "Борнмут" устидан қозонилган ғалабадан сўнг (2:1) ўз таассуротлари билан ўртоқлашди.
"Борнмут" 21-дақиқада Эванилсоннинг голи эвазига ҳисобда олдинга чиқиб олишди, бироқ меҳмонлар иккинчи бўлимда ўйинни ўзгартиришга муваффақ бўлишди ва икки бор гол уришди – Эрлинг Холанд ва Омар Мармуш гол муаллифига айланишди.
"Биз буни уддаладик. Биз кетма-кет еттинчи марта ярим финалга чиқдик. Кечирасиз, лекин бу ажойиб натижа. "Борнмут"га қарши сафар ўйинлари энг оғир синовлардан бири. Бизга Англия кубогида ғалаба қозониш ёқади. Умид қиламанки, биз финалга чиқамиз" - деди Гвардиола ITV телеканалига берган интервьюсида.
"Шаҳарликлар"нинг ярим финалдаги рақиби "Ноттингем Форест" бўлади.
