Луис Энрикенинг "Селта" бош мураббийи этиб тайинланиши "Барселона" 20 ёшли ярим ҳимоячиси Рафаэль Алькантаранинг Виго клубига ижара асосида ўтишига кўпроқ имконият яратиб беради, дея хабар берди Football Espana.
Энрике каталонияликлар ёшлар жамоасидаги фаолияти туфайли ушбу футболчи билан яхши таниш. Бундан ташқари, Рафинья ўйин амалиётига эга бўлишни хоҳлаяпти.
2012/13 мавсумда Рафаэль Алькантара "Барса"нинг Сегундадаги ёшлар жамоасида 36 ўйинда майдонга тушди ва 10та гол, 8та самарали тўп узатиш муаллифи бўлди. Эслатиб ўтамиз, унинг акаси Тьяго Алькантара "кўк-анорранглилар" асосий жамоасида тўп суради.