"Арсенал" вингери Букайо Саканинг агентлари тез орада футболчининг янги шартномаси борасида клуб билан музокара ўтказади, дея хабар бермоқда инсайдер Фабрицио Романо.
Манбага кўра, 23 ёшли инглиз жароҳатидан фориғ бўлгач, унинг вакиллари "канонирлар" билан узоқ муддатли шартнома имзолаш бўйича янги музокаралар ўтказади.
Футболчининг клуб билан амалдаги келишуви 2027 йилнинг ёзигача мўлжалланган.
Кеча, 30 март куни "Арсенал" клубнинг янги спорт директори Андреа Берта билан шартнома имзолаганини эълон қилди.
Ушбу музокараларга лондонликларнинг янги функционери ҳам жалб этилиши кутилмоқда.