Мадриднинг “Реал” клуби бош мураббийи Карло Анчелотти мавсум якунланганидан сўнг жамоани тарк этиш ҳақида ўйламоқда. Мутахассиснинг шартномаси келаси йил ёзида тугайди, бироқ ҳамкорлик эртароқ якунланиши мумкин.
Журналист Марио Кортежананинг хабар беришича, италиялик мураббий "Реал Мадрид"даги келажагига ишончи комил эмас. Гап шундаки, "қироллик" клубида тўрт йил давомида қаттиқ чарчаган. Қолаверса, мураббий "Лос-Бланкос" раҳбарияти ва Хаби Алонсо ўртасидаги алоқалар ҳақида кўп эшитган.
Яна бир сабаб, Карлонинг ўғли ва ёрдамчиси Давиде Анчелотти жорий мавсум якунида кетиш ниятида. Эслатиб ўтамиз, Карло Анчелотти Бразилия терма жамоаси бош мураббийлигига номзодлардан бири саналади.
