Каталонияннинг «Барселона» клуби марказий ҳимоя чизиғини кучайтириш мақсадида иш олиб бормоқда, деб ёзади «Маrca» нашри.
Манбанинг маълум қилишича, каталонияликлар ҳозирда «Манчестер Сити»нинг 30 ёшли ҳимоячиси Жолеон Лескоттга қизиқиш билдирган. Инглиз футболчиси «Барселона»нинг янги футболчиларидан бири бўлиши мумкин бўлган рўйхатга киритилган.
Эслатиб ўтамиз, олдинроқ, «Барса» Тиаго Силва («ПСЖ»), Матс Хуммельс («Боруссия» Дортмунд), Маркиньос («Рома») ва Давид Луиз («Челси») каби футболчиларга қизиққани борасида хабарлар тарқатилганди.
Шунингдек, клуб сотиб олиши мумкин бўлганлар рўйхатида Томас Вермален («Арсенал»), Иньиго Мартинес («Реал Сосьедад»), Бранислав Иванович («Челси») ва Даниэль Аггер («Ливерпуль») бор.