«ПСЖ»дан ижарага олинган «Ювентус» ҳужумчиси Рандаль Коло-Муанининг келажаги ноаниқлигича қолмоқда.
Аввалроқ клуб франциялик футболчи билан ижара муддати тугаганидан кейин ҳам ҳамкорликни давом эттириш ниятида эканлигини очиқ билдирган бўлса, Тьяго Мотта ишдан бўшатилганидан кейин вазият ўзгарган.
Журналист Николо Скиранинг сўзларига кўра, "Ювентус" энди форвардни сотиб олиш ёки ижара муддатини узайтириш зарурлигига ишончи комил эмас.
«ПСЖ» 26 ёшли футболчи учун 60 миллион евро сўрмоқда, шунинг учун «кекса синёра» келишувдан бош тортиши ва янги ҳужумчи излашни бошлаши мумкин.
