"Атлетико" бош мураббийи Диего Симеоне келаси мавсумда ҳимояни кучайтириши кераклигини аниқ тушуниб турибди ва уни кўпроқ ўзига жалб қилаётган футболчилардан бири Кристиан Ромеро. "Тоттенхэм"нинг асосий фигураси бўлган аргентиналик ҳимоячи бир неча ҳафтадан буён мадридликларнинг қизиқишлар доирасида бўлиб турибди.
Симеоне аллақачон ташаббусни ўз қўлига олган ва футболчини ўз лойиҳасига қўшилишга кўндириш учун у билан бевосита боғланган.
"Атлетико" "Тоттенхэм" билан келишиб олиш қийин бўлишини тушуниб турибди, чунки инглиз клуби ўзининг энг қимматбаҳо футболчиларидан бирини қўйиб юбормоқчи эмас. Бироқ, испанлар раҳбарияти "шпорлар"ни кўндира оладиган ва аргентиналикни "Метрополитанўга яқинлаштирадиган таклифни кўриб чиқмоқда.
Эслатиб ўтамиз, ушбу мавсумда ҳимоячи "Тоттенхэм" сафида барча мусобақаларда 17 та ўйинда 1 та гол урган.
