"Atletiko" bosh murabbiyi Diyego Simeone kelasi mavsumda himoyani kuchaytirishi kerakligini aniq tushunib turibdi va uni ko‘proq o‘ziga jalb qilayotgan futbolchilardan biri Kristian Romero. "Tottenxem"ning asosiy figurasi bo‘lgan argentinalik himoyachi bir necha haftadan buyon madridliklarning qiziqishlar doirasida bo‘lib turibdi.
Simeone allaqachon tashabbusni o‘z qo‘liga olgan va futbolchini o‘z loyihasiga qo‘shilishga ko‘ndirish uchun u bilan bevosita bog‘langan.
"Atletiko" "Tottenxem" bilan kelishib olish qiyin bo‘lishini tushunib turibdi, chunki ingliz klubi o‘zining eng qimmatbaho futbolchilaridan birini qo‘yib yubormoqchi emas. Biroq, ispanlar rahbariyati "shporlar"ni ko‘ndira oladigan va argentinalikni "Metropolitano‘ga yaqinlashtiradigan taklifni ko‘rib chiqmoqda.
Eslatib o‘tamiz, ushbu mavsumda himoyachi "Tottenxem" safida barcha musobaqalarda 17 ta o‘yinda 1 ta gol urgan.