"Манчестер Сити" бош мураббийи Хосеп Гвардиола жамоа форварди Эрлинг Холанднинг тикланиш муддатлари ҳақида маълумот берди.

Аввалроқ, "Манчестер Сити" норвегиялик ҳужумчи тўпиғидан жароҳат олгани ҳақида хабар берган эди.

"Шифокорлар унинг беш-етти ҳафта йўқ бўлишини айтишди. Умид қиламизки, у клублар ўртасидаги жаҳон чемпионатига тайёр бўлади," - дея Гвардиоланинг сўзларини келтиради "шаҳарликлар" матбуот хизмати.

Жорий мавсумда 24 ёшли Холанд барча мусобақаларда 40 та учрашувда қатнашиб, 30 та гол урди ва 4 та голли узатмани ўз ҳисобига ёздириб қўйди.