Чоршанба куни "Атлетико" ва "Барселона" Испания кубоги ярим финал жавоб учрашувини ўтказади. Мадрид жамоаси бош мураббийи Диего Симеоне матбуот анжуманида Роберт Левандовскининг мавсуми ҳақида қандай фикрда экани ҳақидаги саволга жавоб берди.
"Уни табриклашим мумкин, чунки у ажойиб мавсумни ўтказмоқда. Унинг меҳнати ва тиришқоқлигига қойил қоламан. Бу ҳавас қилса арзийдиган футболчи. Агар "тўққизликлар" ҳақида гапирадиган бўлсак, Левандовскидан кўп нарса ўрганиш мумкин," - деди Симеоне журналистларга.
"Атлетико" ва "Барселона" ўртасидаги ўйин 2 апрель куни Тошкент вақти билан 00:30да бошланади.
