"Арсенал" бош мураббийи Микель Артета Букайо Сака ҳақидаги саволга жавоб берди.
23 ёшли футболчи декабрь ойидан бери жароҳати сабаб майдонга тушмаяпти.
Сешанба куни у узоқ вақтдан бери илк бор таркибга киритилди ва 66-дақиқада майдонга тушди.
"Бу ақл бовар қилмайдиган лаҳза бўлди. Мухлислар Букайонинг қайтишига қандай муносабатда бўлишларини, уни қанчалик севишларини ва ҳурмат қилишларини кўриш жуда ажойиб.
Гап унинг инсоний фазилатларида. Майдонга қайтганидан сўнг, у биринчи бўлиб физиотерапевтлар ва спорт олимларига миннатдорчилик билдирди.
Бу Сака учун ҳақиқий синов бўлди", - дея Артетанинг сўзларини келтиради BBC.
