Миланнинг "Интер" клуби сардори Лаутаро Мартинес жароҳати сабаб "Милан" билан бўладиган дербини ўтказиб юборади.
27 ёшли форвард А Сериянинг аввалги турида "Удинезе"га қарши ўйинда майдонга тушмаган эди. Бугун Италия кубоги ярим финали доирасида бўлиб ўтадиган навбатдаги дербида ҳам "нерадзуррилар" аргентиналик футболчисиз ўйнашига тўғри келади.
"Ўйингача формага кириш учун бор кучим билан ҳаракат қилдим, афсуски, ҳали жуда эрта. Мавсум узоқ, ҳали кўп нарсага эришишимиз керак. Тез орада майдонда кўришамиз," - деб ёзди Лаутаро Мартинес ижтимоий тармоқда.
