"Реал" юлдуз ҳужумчи Винисиус Жуниор Франция чемпионатида иш топиши мумкин. Бу ҳақда Todofichajes журналистлари хабар бермоқда.
Манбанинг хабарига кўра, 24 ёшли бразилияликни ўз сафига қўшиб олишга "ПСЖ" клуби қизиқмоқда. Париж гранди Винисиусни бир қанча Премьер-лига клублари ўз сафига қўшиб олмоқчи бўлган Усмон Дембеле ўрнига футболчи сифатида кўрмоқда.
Агар Усмон кетса, "ПСЖ" бор кучини Жуниорни сотиб олишга бағишлайди. Бразилиялик футболчининг трансфер нархи 200 миллион еврога баҳоланмоқда. Футболчининг клуб билан амалдаги шартномаси 2027 йилнинг ўрталарида тугайди.
