Football Insider манбаларининг эксклюзив маълумотларига кўра, "бўрилар"нинг 25 ёшли ҳужумчиси Матеус Куньяга "Арсенал" ва "Ливерпул"нинг асосий нишонига айланган. "Канонирлар" раҳбарияти унинг имзоланиши учун яшил чироқ ёқди.
Бразилиялик форвард яқинда клуб билан шартномасини 2029 йилнинг июнь ойи охиригача узайтирганига қарамай, у фаолиятидаги навбатдаги қадамни ташламоқчи. Унинг келишувига 62,5 миллион фунт стерлингга сотиб олиш банди киритилган.
Матеус жорий мавсумда "бўрилар" сафида 29 та ўйинда майдонга тушиб, 15 та гол урди ва 4 та голли узатмани амалга оширди.
