Футбол бўйича АПЛнинг 30-турида "Арсенал" 1 апрель, сешанба куни ўз майдонида "Фулхэм"ни қабул қилди. Учрашувнинг 66-дақиқасида жароҳати туфайли 101 кунни ўтказиб юборган "канонирлар" етакчиси Букайо Сака майдонга тушди ва 73-дақиқада жамоасининг иккинчи голини урди.
Бу орқали Сака "Арсенал"нинг собиқ юлдузи эришган натижани такрорлашга муваффақ бўлди, чунки Букайо сўнгги уч мавсумнинг ҳар бирида барча турнирларда 10+ гол урган ва 10+ голли узатмани амалга оширган.
У Алексис Санчесдан (2014/15 - 2016/17 йиллар) кейин "Арсенал"нинг бунга эришган биринчи футболчисига айланди.
