"Ливерпуль" бош мураббийи Арне Слот "Байер" футболчиси Жереми Фримпонг билан шартнома имзолашдан умидини узмаяпти.
Сўнгги вақтларда ўнг қанот ҳимоясига масъул бўлган 24 ёшли футболчига нафақат "Ливерпуль," балки "Реал" ва "Барселона," шунингдек, "Манчестер Юнайтед" ҳам эътибор қаратган.
Ушбу футболчининг сотиб олиниши "Ливерпуль"га нафақат Трентга ўринбосар топиб, ҳимоядаги юқори даражадаги ўйинни сақлаб қолиш, балки АПЛ талабларига мос келадиган ўйинчи билан кучайиш имконини беради (ҳимоячи 9 йилни "Манчестер Сити" академиясида ўтказган), деб ёзади Mirror.
Жереми Фримпонг жорий мавсум Бундеслигада 27 та ўйинда майдонга тушди ва 4 та гол ҳамда 5 та голли узатмага муаллифлик қилди.
