"Интер" ярим ҳимоячиси Хоқон Чалханоглу Туркияга қайтиши мумкинлиги ҳақида фикр билдирди.
"Мен "Интер"да жуда хурсандман. Келажакда нима бўлишини ҳеч ким билмайди. Мен Туркияга қайтишни истардим. Бир кун келиб "Галатасарой" либосини кийиш мен учун шараф бўларди.
Туркия менинг ватаним. Мен ғурур билан терма жамоам формаси ва сардорлик боғичини тақдим. Айни дамда менда сўз билан таърифлаш қийин бўлган ўзига хос туйғу бор. Бу дунёдаги энг яхши туйғу", дейди футболчи.
Хоқоннинг "Интер" билан амалдаги шартномаси 2027 йилнинг ёзида якунига этади. Жорий мавсумда 31 ёшли ярим ҳимоячи клуб сафида 33та ўйинда майдонга тушиб, 9та гол ва 4та голга ассистентлик қилган.
