Англия терма жамоасининг собиқ ҳужумчиси Гари Линекер "Манчестер Сити" бош мураббийи Пеп Гвардиола уни футболкага зиқналикда айблаганини айтиб берди. Линекер 1986 йилдан 1989 йилгача "Барселона"да ўйнаган, Гвардиола эса бу даврда Каталония клуби академиясида таҳсил олган.
"У "Манчестер Сити"га ўтганида, мен ундан BBC учун интервью олдим. Ва у деди: "Биз бошлашимиздан олдин, сиз клубда ўйнаганингизда, мен "Барселона"да тўп ташлаб берадиган бола эдим. Ҳар бир ўйин охирида мен сизнинг олдингизга келиб: "Сизнинг футболкангизни олсам бўладими?", деб сўрардим. "Сиз уни менга ҳеч қачон бермагансиз. Ва мен бундан хафа бўлганман", деди.
Бу мен учун ёқимсиз бўлди ва мен унга у пайтларда ҳозиргидек либослар кўп бўлмаганини тушунтирдим. Ўша пайтларда бизда фақат битта футболка бўларди. Бизга уни кимгадир беришга рухсат йўқ эди", - деди Линекер The Sun билан суҳбатда.
