"Барселона" ярим ҳимоячиси Педрининг айтишича, жамоа жорий мавсум якунларига кўра учта совринни қўлга киритишга ҳаракат қилади.
"Требль? Нега энди йўқ? Барча совринлар учун курашамиз ва мухлисларимизга максимал қувонч улашишга ҳаракат қиламиз," - дея футболчининг сўзларини келтиради журналист Фабрицио Романо.
Эслатиб ўтамиз, кеча "Барселона" Испания кубоги ярим финал жавоб баҳсида Мадриднинг "Атлетико" жамоасини 1:0 ҳисобида мағлуб этиб, турнир финалига йўл олди ва у ерда Мадриднинг "Реал" клубига қарши майдонга тушади.