"Манчестер Сити" бош мураббийи Хосеп Гвардиола журналистларнинг "Лестер"га (2:0) қарши ўйин ҳақидаги саволларига жавоб қайтарди.
Учрашувнинг 2- ва 29-дақиқаларида Жек Грилиш ҳамда Омар Мармуш томонидан киритилган голлар эвазига "шаҳарликлар"нинг қўли баланд келди. Эътиборлиси, "тулкилар" бутун беллашув давомида атиги 2 марта зарба беришди ва улар ноаниқ кетди.
"Ўйин охиридаги бир вазиятни ҳисобга олмаганда, дарвозамиз олдида ҳеч нарса яратишга йўл қўймадик. Бизда учинчи голни уриш ва барча саволларни олиб ташлаш имконияти бор эди, аммо кескинлик охиригача сақланиб қолди. Ўйиндан мамнунмиз.
Жамоа учинчи голни уришга астойдил ҳаракат қилди. Футболчилар концентрацияни сақлаб, барчасини тўғри бажаришди," - дейди Гвардиола BBC'га берган интервьюсида.
