Мюнхеннинг "Бавария" клуби тажрибали ҳужумчи Томас Мюллер билан ҳамкорликни нега узайтирмасликка қарор қилгани маълум бўлди.
Goal порталининг хабар беришича, жамоа бош мураббийи Венсан Компани раҳбарият билан суҳбатда футболчи бўйича ўз позициясини маълум қилган. Бельгиялик мутахассис Мюллер келаси мавсумда доимий ўйин амалиётига эга бўла олмаслигига ишора қилди. Футболчининг "Бавария" билан шартномаси 2024/2025 йилги мавсум якунида ўз ниҳоясига етади.
Томас Мюнхен жамоасида 2009 йилнинг ёзидан бери ўйнаб келмоқда. Бундеслиганинг жорий мавсумида ҳужумчи 23 та ўйинда майдонга тушиб, 1 та гол урди ва 3 та голли узатмани амалга оширди.
