World Boxing ташкилоти кубоги доирасида кеча ярим финал жанглари бўлиб ўтди. Ушбу босқич доирасида 5 нафар боксчимиз рингга кўтарилди.

-60 кг вазнда бўлиб ўтган ярим финалда, Мадияр Данияров мезбон Луиз Оливейрага қарши баҳс олиб борди ва ҳакамларнинг қарорларига кўра 1:4 ҳисобида мағлуб бўлди.

Тўрабек Хабибуллаев ярим финал баҳсида ҳиндистонлик Вишални қийинчиликсиз мағлуб этиб, финалга йўл олди — 5:0.

Асилбек Жалилов ҳам финални ҳал қилди. Боксчимиз бу йўлда ҳиндистонлик Жадумани Манденгбамни 3:2 ҳисобида мағлуб этди.

-75 кг вазндаги вакилимиз Фазлиддин Эркинбоев польшалик Михал Ярлинскини 4:1 ҳисобида мағлуб этди.

Энг оғир вазндаги боксчимиз Жаҳонгир Зокиров қозоғистонлик Даниял Сапарбайга ҳеч қандай имконият қолдирмади — 5:0.

-60 кг: Мадияр Данияров – Луиз Оливейра (Бразилия) - 1:4
-90 кг: Тўрабек Ҳабибуллаев – Вишал (Ҳиндистон) - 5:0
-50 кг: Асилбек Жалилов – Жадумани Манденгбам (Ҳиндистон) - 3:2
-75 кг: Фазлиддин Эркинбоев – Михал Ярлински (Польша) - 4:1
+90 кг: Жаҳонгир Зокиров – Даниял Сапарбай (Қозоғистон) - 5:0