Мадриднинг "Реал" клуби дарвозабони Тибо Куртуа жароҳатидан тикланишда давом этмоқда.

32 ёшли дарвозабон "қаймоқранглилар"нинг "Леганес" ва "Реал Сосьедад"га қарши сўнгги икки ўйинини ўтказиб юборди. Шанба куни бўлиб ўтадиган "Валенсия"га қарши учрашувда ҳам жамоа бош мураббийи Карло Анчелотти белгиялик футболчига умид боғлай олмайди. Marca хабарига кўра, Куртуа Чемпионлар Лигаси 1/4 финалидан ўрин олган "Арсенал"га қарши дастлабки ўйинга қадар сафга қайтиш ниятида - баҳс келаси сешанба, 8 апрель куни Лондонда бўлиб ўтади.

Тибо Куртуа жорий мавсум "Реал" сафида 37 та ўйинда майдонга тушиб, 40 та гол ўтказиб юборди ва 11 марта дарвозасини дахлсиз сақлаб қолди.