"Челси" ҳужумкор ярим ҳимоячиси Коул Палмер Англия Премьер-лигасининг жорий мавсумида энг кўп голли вазият яратган футболчилар рейтингида етакчилик қилмоқда.
"Тоттенхэм"га қарши баҳсда 22 ёшли футболчи Энцо Фернандесга голли пас берди ва бу гол жамоага ғалаба келтирди (1:0). Squawka хабарига кўра, Палмер жорий мавсумда чемпионат доирасида жамоадошлари учун 73 та голли вазият яратди - бу энг яхши кўрсаткич. Иккинчи ўринни "Манчестер Юнайтед" вакили Бруну Фернандеш (72), учинчи ўринни "Ливерпуль" вакили Муҳаммад Салоҳ (69) эгаллаган. Кучли бешликдан Деян Кулушевски ("Тоттенхэм," 63) ва яна ўша Энцо Фернандес (59) жой олган.
Эътиборлиси, "шпорлар" билан ўйинга қадар Палмер декабрь ойи бошидан буён бирорта голда иштирок этмаганди.
