Эммануэль Петининг фикрича, Криштиану Роналду учун етиб бўлмас чегара йўқ.
"Жамоангизда Криштиану Роналду бўлганида, мураббий сифатида уни асосий таркибда ёки ўринбосар сифатида ўйнашни билмай қоласиз, чунки тўғрисини айтсам, унинг Евро-2024да Португалия термасидаги ўйинлари унчалик яхши бўлмаган. Лекин менимча, бу йигитда чегара йўқ. У ўз танасига жуда профессионал муносабатда бўлади ва у 40 ёшда.
Одамлар унинг халқаро фаолияти билан якунланди деб ўйлашлари мумкин, аммо бу йигитда шунчалик ғайрат ва ғазаб борки, менимча, у жамоада бўлиш орқали ижобий таъсир кўрсатиши мумкин", деди собиқ франциялик ярим ҳимоячи.
