"Эвертон" Мерсисайд дербисидан кейин ижтимоий тармоқларда Жеймс Тарковски ва унинг рафиқаси шаънига айтилган ҳақоратлардан сўнг баёнот берди.
"Эвертон" футболчиси "Ливерпуль"га қарши баҳсда Алексис Мак Аллистерга жароҳат етказди. Ўйиндан сўнг Тарковски ижтимоий тармоқларда кўплаб таҳдидлар олди.
"Эвертон" ижтимоий тармоқларда Жеймс Тарковски ва унинг оиласига қаратилган таҳдидлардан хабардор. Бундай хатти-ҳаракатлар футболда ҳам, жамиятда ҳам мутлақо номақбулдир.
Клуб Жеймс ва унинг рафиқаси билан алоқада бўлиб турибди, шунингдек, ижтимоий тармоқлар соҳасида фаолият юритувчи компаниялар билан ҳамкорлик қилишга ва мумкин бўлган ҳар қандай терговда полицияга ёрдам беришга тайёр," - дейилади баёнотда.
