Жума оқшомида “Бавария” “Аугсбург”дан уч очко олди, аммо Жамол Мусиалани йўқотди. Ҳужумкор ярим ҳимоячи иккинчи бўлим бошида жароҳат олди. Мюнхенликлар ҳужумчиси Харри Кейн Мусиаланинг жароҳати ҳақида фикр билдирди.
"Бундан унинг ҳафсаласи пир бўлди. Бу жароҳатлар билан биз жуда яхши ҳафта ўтказмадик. Жамол биз учун муҳим ўйинчи, шунинг учун у йўқлигида уни соғинамиз. Умид қиламанки, бу кўрингандек ёмон эмас", - деди Кейн.
“Бавария” навбатдаги ўйинини 8-апрель, сешанба куни Чемпионлар лигаси чорак финалида ўз майдонида “Интер”га қарши ўтказади.
