Мадриднинг "Реал" клуби ҳимоячиси Антонио Рюдигер Европа Чемпионлар Лигаси 1/8 финали доирасида Мадриднинг "Атлетико" клубига қарши ўйинда пенальтилар сериясида ғалаба қозонгани ҳақида гапирди.
"Мен масъулиятни ўз зиммамга олишга қарор қилдим. Эндрикнинг ўрнига зарба беришга қарор қилдим, чунки у майдонга энди тушган эди. Бундан ташқари, Эндрик сўнгги пайтларда унчалик кўп ўйнамади, шунинг учун мен бу зарбани амалга оширишга қарор қилдим. Агар нимадир нотўғри кетганда ҳам, мен бунга яхшироқ чидай олардим," - дея германиялик ҳимоячининг сўзларини келтиради Madrid Универсал.
Эслатиб ўтамиз, УЕФА Чемпионлар лигаси чорак финалида "қироллик клуби" Лондоннинг "Арсенал" клубига қарши баҳс олиб боради.
