Томас Мюллер "Бавария"ни тарк этиши ҳақида фикр билдирди.

Бугун 35 ёшли ярим ҳимоячи мавсум якунида Мюнхен клубини тарк этишини эълон қилди.

"Бугунги кун мен учун бошқа кунларга ўхшамаслиги аниқ. Ёзда Мюнхеннинг "Бавария" клуби футболчиси сифатидаги 25 йиллик фаолиятим ниҳоясига етади. Бу ўзига хос тажриба, ажойиб учрашувлар ва унутилмас ғалабаларга бой бўлган ақл бовар қилмас йўл эди. Севимли клубимда карьера қилиш насиб этганидан жуда хурсандман ва миннатдорман. Клуб ва фантастик мухлисларимиз билан алоҳида алоқалар абадий сақланиб қолади.

Хайрлашувда биз биргаликда нишонлашимиз мумкин бўлган унвонларни қўлга киритишни ва яна узоқ вақт меҳр билан эслайдиган лаҳзаларни бошдан кечиришни истайман. Яқин ҳафталар ичида Мюнхенга чемпионликни қайтариш ва Чемпионлар Лигасида орзу қилинган уй финалига чиқиш учун қўлимиздан келганини қиламиз. Келинг, буни биргаликда қиламиз!" - деди Мюллер.